بەرزەوبۊین کەمیگ لە نرخ دۆڵار لە بەغدا و ئارامگردنی لە  هەولێر

شەفەق نیوز/ نرخ دۆلار ئەمریکی وەرانوەر دینار عراقی،  ئمڕوو پەنجشەممە،  لە بۆرسەی سەرەکی بەغداد پایتەخت بەرزەوبۊی و لە هەرێم کوردستان ئارامگرد.   ‏    ‏    

پەیامنێر ئاژانس شەفەق نيوز وت: بۆرسەی کیفاح و حارسیە لە بەغداد،  شەوەکی ئمڕوو 148100 دینار عێراقی وەرانوەر 100 دۆلار ئەمریکی توومار کردن.         

دۊیەکە چوارشەممە،   نرخ دۆلار رەسیە 148050 دینار وەرانوەر 100 دۆلار ئەمریکی.       

پەیامنێرمان وتیش؛ نرخ فرووشتن و سەنین لە دوکانەیل ناوخۆیی بەغداد جیگیرە، نرخ فرووشتن رەسیە 148500 دینار عێراقی وەرانوەر 100 دۆلار ئەمریکی،  و نرخ سەنینی رەسیە 147500 دینارعێراقی .          

لەهەوڵیر پایتەخت کوردستانیش نڕخ دۆلار ئارامگردیە، نڕخ فروشتنی رەسیە 148300 عێراقی وەراوەر 100 دۆڵار ئەمریکی، و نڕخ سەنینی 148100 عێراقی وەرانوەر 100 دۆلار ئەمریکی.