ئاشکەراکردن رویداو کوشتن ژنیگ لە بەغدا، وە خوەیکوشتن توومار کریاگە
2022-12-09T13:32:30+00:00
شەفەق نیوز/ وەڕێەوبەرایەتی دژە تاوان بەغدا، ئمڕوو جومعە، خەوەردا مەفرەزەیل توەنستنە تاوان کوشتن ژنیگ ئاشکەرا بکەن لە ناوچەی حەبیبیە لە خوەرهەڵات پایتەخت ک وە خوەیکوشتن توومارکریایە.
وەڕێەوبەرایەتیەگە ئمڕوو لە بەیاننامەیگ راگەیان، " لەوەر ئاشکەرانەوین جویر رویداوەگە، پەراو لێکۆڵینەوەی تایبەت وە دۆسیەگە ئەرا نوسینگەی دژە تاوان حەبیبیە کلکریایە، تیمیگ کارکردن دانریا و ئەرا شوین رویداوەگە کلکریان، دویای لێکۆڵینەوە و جەمەوکردن زانیاری دەرچگە رویداوەگە تاوانکاریە نەگ خوەیکوشتن .
لە بەیاننامەگە وتیش" لێکۆلینەوەی قویلیگ وەگەرد تاوانبار ئەنجام دانە رویوەروی بەڵگەگان کریانە دان وە راسی تاوانەگە نایە.
