پەیاکردن تەرم گەنجیگ رەگەز ئاڵشت کردیە لە بەغدا
2024-07-16T13:09:56+00:00
شەفەق نیوز/ هیزەیل ئەمنی، ئمڕوو سێشەممە، تەرم گەنجیگ لەناو تەمەن بیس ساڵان لە خوەرهەڵات بەغدای پایتەخت پەیا کردن.
سەرچەوەیگ ئەمنی ئەرا ئاژانس شەفەق نیوز وت: هیزیگ ئەمنی تەرم گەنجیگ لەناو تەمەن بیس ساڵان پەیا کردن، و شوین پەت وەسێدارەدان لەقەی ملی بویە، وایش: بەڵگەیل سەرتایی نشان دەن کە گومان تاوانیگ هەس.
وتیش: تەرمەگە لە ناوچەی شیشان لە حەی تارق خوەرهوڵات بەغدای پایتەخت پەیا کریاس.
سەرچەوەگە دیاری کرد کە نشانەیلیگ وەقەی تەرمەگە بوی کە نشان دەن گەنجەگە رەگەز ئاڵشت ، کە باننویخان و مکیاج پۆتەکس و فیلەر وەپیەو بویە.
