19 تويشهاتگ له نيمه‌ى به‌غدا له ڤايرۆس كۆرۆنا خاسه‌وبوين
2020-05-18T11:41:25+00:00
شه‌فه‌ق نيوز/ ئمڕوو دوشه‌ممه، ده‌زگاى ته‌ندروستى كه‌رخ، ئاشكراى خاسه‌وبوين نه‌خوه‌شه‌يليگ تويشهاتگ وه ڤايرۆس كۆرۆنا كرد.
ده‌زگاگه له به‌ياننامه‌يگ ئه‌را ئاژانس شه‌فه‌ق نيوز وت: 19 كه‌س تويشهاتگ وه ڤايرۆس كۆرۆنا دوياى خاسه‌وبوين ته‌واويگ له ڤايرۆسه‌گه، نه‌خوه‌شخانه وه‌جى هيشتنه.
جى باسه، يه‌يش له‌وه‌ختيگه دويه‌كه يه‌كشه‌ممه، 144 حاڵه‌ت تر تازه وه ڤايرۆس كۆرۆنا تۆمار كريا، ك يه‌يش به‌رزترين شماره‌يگ بوى له‌وه‌ختيگه‌و ڤايرۆسه‌گه بڵاو بويه له وڵاته‌گه.
