کوشیان و زەخمداری وە تلیان لە کەنەدا
هیلین سان بییر قسەکەر پولیس کیبیک ئەرا ئاژانس فرانس پرس وت: پیاویگ لە تەمەن ٣٨ ساڵان لە شوین رویداوەگە دەسگیر کریا، و دیاری کرد ک لێکۆڵینەوە ئەرا رەسین وە بندروس رویداوەگە وەردەوامە.
وتیش: گشت چشتیگ دەسنشان کەێد ک رویداوەگە کردەوەیگ جیا بویە، و رخیگ زیاتر لە ناوچەگە نییە، و تەنیا کەسیگ گومان لەلی هەس.
ئەو رویداوە دویای ساعەت ١٩:٠٠ وەوەخت گرینیتش بوی لەناوڕاس شار ئەمکی ک کەمیگ لە شەش هەزار کەس زیاتر لەناوی نیشتەجیە.
وەچەودیەیلیگ ئەرا میدیایل راگەیانن ناوخوەیی وتن: ماشینیگ پیکاب داگە چەن کەسیگ ئیجا کەفتە بان کنار ریەگە تا نزیکەی ٥٠٠ مەتر، و کەسەیلیگ لە کنار ریەگە تلان.
پولیس وتیش: دوو قوربانیەگە یەکیگیان لەناو تەمەن شەس ساڵە، و ئەوەکە هاناو هەفتا، وتیش: سێ مناڵیش زەخمدارن.
جاستن ترودو سەرۆک وەزیرەیل لەبان تویتەر وت: دڵم هاوەگەرد هاووڵاتیەیل ڕەنگی لە کیبیک.
وتیش: هویر وەگشت زەرەدمەنەیل کەم، و چەوەڕی زانیاری زیاتر لەباوەت رویداوەیل ئمڕوو کەیمن.
لە سەرەتای شوبات، پیاوەیگ وە زانەستەنی وە پاسەگەی چگە ناو ماڵیگ ئیوەتکردن مناڵەیل نزیک مۆنتریال، ک بویە هوکار کوشیان دوو مناڵ لە تەمەن ٤ ساڵە، و زەخمداری شەش کەس.
لە ساڵ ٢٠١٨، پیاویگ بڕیگ کەس لە تورینتۆ تلان، ک بویە هوکار کوشیان زیاتر لە ١١ کەس، و زەخمداری ١٦ کەستر.
