هەڵپوقیان گڕکان لە باشوور خوەرئاوای ئایسلەندا
فەرمانگەی کەشناسی لە بەیاننامەیگ وت: "ساعەت 5:30 شەوەکی پەنجشەممە، گورجی زەویلەرزەیلیگ بویچگ و خەس لە باکوور خوەرهەڵات سێلینگارفیل دەسوەپی کرد. دویای نزیکەی 30 خولەک، تەقینەوەی گڕکانیگ لە خود ناوچە وەشوین خوەی هاورد".
نویسینگەگە وتیش: وە پشتبەسین وە هەڵسەنگاندن سەرەتایی پاسەوانی کەناراوەیل، زەنگەگە نزیکەی سێ کیلۆمەتر درویژەو بوود.
توومارە ڤیدیۆییەیل نشان دەن کە لاڤا لە زەنگەگەو رشێد و ستوین دوکەڵ رووشن لە شوینەگە بەرزەو بوود.
ئایسلەندا زیاتر لە 30 گڕکان گورج دیرێد کە بەرزترین شمارەس لە ئەوروپا.
ئی وڵاتە کەفێدە نوای رزبەندی ناوڕاس ئەتڵەسی کە زەنگیگە کە پلاک تەکتۆنیکی ئۆراسیا و ئەمریکای باکوور جیا کەێدەو.
وەرجەیە لە مانگ ئازار ساڵ ٢٠٢١، نیمچە دورگەی ڕیکیانس لە ماوەی ٨ سەدە هویچ تەقینەوە گڕکانیگ وەخوەی نەیە.
تەقینەوەیل لە مانگ ئاب ٢٠٢٢ تەمموز و کانوون دویەم ٢٠٢٣ توومار کریان، یەیش هیشتیە پسپۆڕەیل گڕکان دەسنشان ئەوە بکەن کە ئەوەگ روی دەێد هاتێ سەرەتای سەردەمیگ نوو لە گورجی گڕکان ناوچەگە بوود.
