ئەندامەیلیگ لە حکومەت ئەمریکا خوازن تڕامپ لابیەن
شەفەق نیوز/ تووڕ سی بی ئێس وت: ژمارەیگ لە ئەندامەیل حکومەت ئەمریکی خوازن راسەوکردن ژمارە ٢٥ لە دەستور وەکار بارن ئەرا لاوردن دۆناڵد تڕامپ لە دەسەڵاتەگە.
وەگورەی تووڕ سی بی ئێس ؛ گفتوگۆەگان لەناونی ژمارەیگ لە ئەندامەیل حکومەت تڕامپ، و ئاماژە کرد ک وەکارهاوردن ئەو مادە ری وە لاداین تڕامب لە پۆستەگەی دەێد و دەسەڵاتەگەی دەێدە مایک بینس جیگری .
وەرجەیە، کاسرین کلارک یاوەر سەرۆک ئەنجومەن نۆێنەران ئەمریکا، داوای لاداین دۆناڵد تڕامپ وەرجە تەواوبوین ماوەی دەسەڵاتەگەی کرد.
کاسرین توومەتبار تڕامب وە خیانەتکاری وڵات و دەستور کرد، و بانگواز ئەرا گرنگی لادانی لە پۆستەگەی کرد و نواگردنی لە خستن ئەمریکا لەنوای مەترسییگ فرەتر.
لەی مەوقە، رۆژنامەوانی واشینتۆن پۆست داوای لاداین تڕامب کرد و هەڵگردن وەرپرسایەتی وەناوچگن کۆنگڕس.
وتیش؛ پەلامارداین کۆنگڕس دەرخەێد ک مەنین تڕامپ لە پۆستەگەی مەترسی گەورایگە.
