ناتۆ: ئەوەسا ماوەی جەنگەگە لە ئۆکرانیا درویژ بوود

شەفەق نیوز/ یەنس ستولتنبریگ سکرتێر گشت هاوپەیمانان ناتۆ وت: شایەت جەنگەگەی ئۆکرانیا تا ماوەی درویژیگ وەردەوام بوود، وتیش" ناتۆ زانیاری هەواڵگری لە پاییز گوزەشتە دەربارەی ئۆکرانیا وەرگرد.

ستولتنبریگ ئەرا رووژنامەیگ ئیسپانی وت: کەسیگ نیەتوەنێد وە دڵنیایی بویشێد تا کەی ئی جەنگە وەردەوام بوود، لە ڕاسی، لە پاییز گوزەشتە زانیاریەیلیگ هەواڵگری  وەرگردیمن.. ئەوە خوازیمن ک ئەرا جەنگ درویژیگ ئامادەی خوەمان بکەیمن.   

لە خود وەختەگە وتیش: ئەندامەیل ناتۆ بایەتە پشتگیری ماف ئۆکرانیا لە وەرگری لەبان خوەی بکەن.  

لە هەفتەی گوزەشتە، سکرتێر گشتی ناتۆ ئەرا سایت  Capital.gr یونانی وت: رەوشەگەی ئۆکرانیا دیرێد بوودە جەنگ درویژیگ، وکەسیگ نیەزانێد کەی تەواو بووە، وبایەتە ئەندامەیل ناتۆ پشتگیری ئۆکرانیا بکەن.