نیپال.. دویاترین ئامار قوربانیەیل کەفتن فڕۆکەگە
2023-01-15T09:36:25+00:00
شەفەق نیوز/ وەرپرسیگ لە دەسەڵات فڕۆکەوانی شارستانی لە نیپال وت: ٤٠ کەس لەلای کەمەو گیانیان لەدەسدانە، لە کەفتن فڕۆکەیگ لە شار بوخاری ناوڕاس وڵاتەگە، ئمڕوو یەکشەممە.
جاجاس نیرولا قسەکەر دەسەڵات فڕۆکەوانی شارستانی وت: کارەیل رزگارکردن وەردەوامە، و کەشوهەوا رووشن و پاک بویە.
لە ئیزگەیگ نیپالی کرتەی دویکەڵ خەسیگ لە شوین کەفتن فڕۆکەگە نشان دا، لە وەختیگ تیمەیل رزگارکردن و مەردم فرەیگ لەو شوینە گردەو بوین.
سودارشان بارتاولا قسەکەر کۆمپانیای کڕەیل ئاسمانی "ييتی" وت: ئەو فڕۆکەی کەفتگە لە مارکەی (ئيه.تي.ئار 72) ٧٢ کەس لەناوی بویە، دوو کوورپە و ٤ کاپتن و ١٠ بیگانە لەناویان بویە.
رویداوەیل فڕۆکە لە نیپال بویەسە کار باویگ، ک ئەو وڵاتە ١٤ لە بەرزترین کویەیل جەهان هاتاوی، لەلیان لویتکەی ئیڤریستە ک وەناکاوەو کەشوهەوا ئاڵشت بوود، و رخیگ لەبان فڕۆکەوانی دروس کەێد.
نیپال دەوڵەت لاتیگە لە ناوچەی هیماڵایا، و میژوو بەدیگ لە رویداوەیل فڕۆکە دیرێد.
