لە دویای بەسرە...کویت میوانداریکردنی خەلیج-٢٦ راگەیان شەفەق نیوز/ لەدویای ئەوەگ وەرجە چەن رووژیگ دەسکردە خول بیس و پەنج پاڵەوانیەتی توپان خەلیج-٢٥ لە شار بەسرە لە عراق، بڕیار نوویگ دەرچی وە لایەن وڵاتیگ ئەرا میوانداریکردن پاڵەوانیەتی ئایندە لە خول بیس
2023-01-09T07:28:30+00:00
شەفەق نیوز/ لەدویای ئەوەگ وەرجە چەن رووژیگ دەسکردە خول بیس و پەنج پاڵەوانیەتی تووپان خەلیج-٢٥ لە شار بەسرە لە عراق، بڕیار نوویگ دەرچی وە لایەن وڵاتیگ ئەرا میوانداریکردن پاڵەوانیەتی هاتگ لە خول بیس و شەشەمینی.
سەرۆک یەکێتی توپان کوێت، عەبدولڵا شاهین، ئمڕوو دووشەممە، وت: " لە ئایندە کوەێت میوانداری جام خەلیج ٢٦ کەێد".
شاهین وتیش: وەخت پاڵەوانیەتیەگە لە وەختیگتر دیاری کەن، وەبی ئەوەگ زانیاری زیاتر بیەێد.
پاڵەوانیەتی خەلیج 25 وە ئاهەنگ نایابیگ و ئامادەبوین تەماشەکەرەیل فرەیگ وازکریا لە بەسرە باشوور عراق.
و لە ئاهەنگ وازکردنەگە سەرۆکەیل یەکێتی تووپان قەتەر، حەمەد بن خەلیفە ئاڵ سان، و فەڵەستینی، جبریل رەجوب، بەحرێن، شێخ عەلی بن خەلیفە، کەسایەتی وەرزشیەیل تر لە وڵاتەیلتر ئامادەبوین.
و لە پاڵەوانیەتیەگە تیمەیل سعودی وئیمارات و عومان و یەمەن و قەتەر و بەحرین و کویت وەگەرد عراق بەشدارن.
