لەدویای 25 ساڵ توومارکردن یەکەمین تویشهاتن وە ئیفلیجی مناڵ لە غەززە
2024-08-17T08:29:21+00:00
شەفەق نیوز/ وەزارەت تەندروسی فەلەستین راگەیان، یەکەمین تویشهاتن وە ئیفلیجی مناڵ لەغەززە توومارکریا، کە ماوەی 25 ساڵە هویچ ڤایرۆسیگ نەویە، وەپای رێکخریاگ وڵاتەیەکگرتگەیل ئەرا مناڵ (يونێسيف).
وەزارەتەگە لە بەیاننامەیگ راگەیان، "یەکەمین تویشهاتن وە ڤایرۆسەگە لە باشوور غەززە توومارکریاس، لە شار دیر ئەلبەلح، کە مناڵیگ تەمەن 10 مانگانە کە هویچ تاقەبەشیگ لە ڤاکسین ئیفلیج مناڵ وەرنەگردیە".
وەزارەتەگە وتیش؛ وەگەرد "يونيسێف" کارکەن ئەرا کوتان مناڵەیل خوار تەمەن 10 ساڵان لە کەرت غەززە لەماوەی چەن رووژ ئایندە".
وەپای رێکخریاگ "یونیسێف" نموونەیگ لە ڤایرۆسەگە لە مانگ تەمووز لە ناوچەیل خان یونس و دیرئەلبەلح کووکریاس.
