کارکردن لە ماڵەو بویە کار رووژانەی جەهان، مەردم لە دووسەیلیان بڕیانەو، لە وەختیگ کادرەیل کڕ نوا کەفتنە نوای ڤایرۆسێگ نوو و نەناسیای.

 وەگەرد کۆتایی قەیران کۆرۆنا، پرسیاریگ گرنگ مینێدەو: ئەگەر پەتایگ ترەک باێدر ئایا ناچار بویمن گلەیگتر  کەرەنتین بکەیمن، و چوبن چشتەیل ئاڵشت بوون؟

زانایل هووشداری دەن لە گەرمبوین جەهان و بڕین دارستانەیل ئەگەر ئەوە زیای کەێد کە ماددەیگ ڤایرۆسی یا بەکتریا  لە ئاژەڵەو ئەرا ئایەم باێد و بوودە مدوو پەتایگ ترەک.

 پەتای هاتگ لەوە نزیکترە کە ئیمە هویری کەیمن

 دکتۆر ناتالی ماکدێرمۆت، وانەبیژ کلینیکی بیماریە تویشبویەیل لە کۆلێژ کینگ لە لەندەن ئویشێد: "ئیمە رەوشیک دروس کەیمن کە گاڵ بڵاوین ڤایرۆسەگە بەێد".

 وتیش: زانم ڤایرۆس کۆرۆنا فرە سەخت بویە ئەرا خەڵک و خوازیمن باوەڕ وەوە داشتوێمن کە توەنیمن ئەرا ئاسایی کلەو بخوەیمن، منیش وە تەواوی لەوە فامم.

  وتیش: بەڵام پەتاگەی هاتگ تەنیا لە سویکیگ نزیکە، و هاتێ لە ماوەی دوو ساڵ بوود، یا هاتێ دویای ٢٠ ساڵ بوود، ڕەراوە واز لە مقیتیکردن خوەمان باریمن بايەسە وە وریایی بمینیمن و ئامادە بویمن ڕەرا رویوەڕویبوین پەتا نووەگە .”

 ماکدێرمۆت وتیش:  بڕین دار لە ئەمازۆن و بەشیگ لە ئەفریقا، ئاژەڵ و مێرووەیل لە ماڵ خەڵک نزیکترەو کەێد.

 وەگەرد بەرزەوبوین پلەی گەرمبر بڵاوبوین ئەو ڤایرۆسەیلە لە مەگەز وگەنە تیەن، جوير خوينوەربوين، چیکۆنگونیا و تەو خوینوەربوین کریمە-کۆنگۆ، لە بەشیگ لە ئەوروپا رویدەێد کە ئەوسا وە دەگمەن بوی.

 هەمیش وت: "وەگەرد بەرزەوبوین پلەی گەرمی  لە جەهان، تەنانەت بەریتانیا بوودە ناوچەیگ کە ئی جویرە مەگەزەیلە لەناوی بژیەن".