شەپوول گەرمی 48 کەس لە مەکسیک کوشێد
2024-05-25T07:42:51+00:00
شەفەق نیوز/ لە مەکسیک مردن 48 کەس وە هووکار گەرمی توونیگ توومائرکریا وەگەرد مەزەنەیل توومارکردن پلەی گەرمی پەیمانییگ لە ماوەی چەن رووژ ئایندە، هاوکات وەرد گەردەلویلیگ سەردی کە فرەیگ لە شارەیل وڵاتەگە گردیەسەو.
وەزارەت تەندروسی مەکسیک دویەکە جمعە لە بەیاننامەیگ راگەیان 48 حالەت مردن توومارکردنە لە بان ئاست نیشتیمانی کە پەیوەنی وە ئەو شەپوول گەرمیە دیرێد لە نیمەی ئازار دەسوەپیکردیە، و 956 کەس تویش گیچەڵەیل تەندروسی جیاواز هاتنە تا 21 ئایار.
لە ساڵ 2023 شمارەیگ پەیمانەیی توومارکرد وە مردن 419 کەس وە دوو شەپوولیگ گەرمی کە ماوەی 8 مانگ لە وڵاتەگە وەردەوام بوی کە شمارەی دانشتگەیلی رەسێدە 129 ملیۆن کەس، سەرۆک ئەندرێس مانوئێل لوبیز ئەوبرادۆ لەی دویاییە راگەیان گەرمیەگەی ئیسە "جیاوازە".
