زریان بێریل کارەبای ملیۆنیگ ماڵ لە ویلایەت تەکساس بڕێد (ڤیدیۆ)
وەگورەی ئامارەیل کۆمپانیای سەنتەر پوینت ئینێرجی لە شار هیوستن، دویا چەن ساعەتیگ لە رەسین ئەرا زەوی، نزیکەی ملیۆنیگ ماڵ و شوین بازرگانی بی کارەبا بوین.
ئاوە بەرزەیل بە تونی دەسکردنە کرد بەسانن جادەیل سەرانسەر هیوستن و هوشداری لافاو ئەرا ناوچەی فراوانیگ لە کەنارەیل تەکساس دەرکریا.
دەزگای کەشناسی نیشتمانی مەزەنەی ئەوە کرد کە هاز بێریل کەمەو بوود و ئاڵشتەو بوود لە رووژ سێشەممە و وەرەو باکوور خەەرهەڵات چوود.
زریانەگە رەسیە ئەمریکا دویای ئەوەگ هەفتەی گوزەشتە ویرانکاری فرەیگ لە مەکسیک و کاریبی وەدویای خوەیەو هیشت.
وەگورەی داتایل ماڵپەڕ "ئاگاداری گەشتەیل" زیاتر لە هەزار گەشتی ئاسمانی لە دوو فڕۆکەخانەی هیوستن هەڵوەشیانەو.
زریان بێریل دویای رەسین وە زەوی، واران فرەیگ لە سەرانسەر هیوستن واریە، و مەزەنە کریەێد وای زیانبەخش بارێدە خوەرهەڵات تەکساس لە نزیک لویزیانا لە وەختیگ زریانەگە دویای رەسین وە زەوی وەرەو باکوور چوود.
جاک بیڤین، پسپۆڕ باڵای زریانەیل لە سەنتەر نیشتمانی زریان ئویشێد: "بێریل چوودە ناو وڵات، بەڵام ئەوە کۆتایی چیرووکەگە نییە".
