رووسیا کوشیان سێ کەس وە تەقینەوەیگ لەبان پیەڵ قرم راگەینێد
2022-10-08T12:26:57+00:00
شەفەق نیوز/ دەسەی لێکۆڵینەوەی رووس، ئمڕوو شەممە، کوشیان سێ کەس، وە تەقینەوەیگ لەبان پیەڵ قرم راگەیان.
دەسەی لێکۆڵینەوە لە بەیاننامەیگ راگەیان؛ قوربانیەیل لەناو ماشینیگ بوینە مەوقەی تەقیان ئەو بارهەڵگریگ لەشانی بویە، و باس دراوردن تەرم ژن وپیاویگ کرد.
بەیاننامەگە وتیش: لێکۆڵینەوەکارەیل بەیاننامەیل بارهەڵگرەگە و خاوەنەگەی دیاری کردنە، ک دەرکەفت خەڵک هەرێم کرانسودار بویە، و دەسکریا لێکوڵینەوە لەناو ماڵەگەی.
وەرجەیە، دەسەی لێکۆڵینەوە راگەیان ک باوەتیگ تاوانی لەو رویداوە واز کریا ک لەبان پیەڵ قرم بویه، و بڕیگ لە پسپۆڕەیل تاوانی ئەرا شوینەگە کلکریا.
دەسەڵاتەێل رووسیا، خەوەر لە تەقیان ماشینیگ بارهەڵگر لەبان پیەڵ قرم نزیک ساعەت شەش شەوەکی ئمڕوو دان، ک ئاگر رەسهی چەن تانکەریگ سوتەمەنی لەناو قەتاریگ لەبان پیەڵەگە.
