رمانن پەیکەر عەلی کەریمی لە کەرەج
شەفەق نیوز/ بازیکەر وە ناوبانگ وەرین ئیران " عەلی کەریمی" لەی رووژەیل دویاییە بویەسە جی باس مەردم ئیران تووڕەیل کۆمەلایەتی لە دویای ئەوەگ پۆستیگ پشتگیری ئەرا خوەینیشاندەرەیل ئیران لەبان ئنستگرام بڵاوکرد.
عەلی کەریمی جویر ناڕەزایگ لە دویای مردن مەهسا ئەمینی تووڕ کۆمەڵایەتی ئنستاگرام تایبەت وە خوەی نوسیایە، " زیاتر لە چوار هەزار مناڵ وەرپرسەیل لە دەیشت وڵات زندگی کەن، گشتیان دژ وە ئەمریکا و خوەرئاوان، داڵگ و باوگەیلیان چ وە سەر وڵاتەگە هاوردنە ک خوەیان ئامادە نیین لە ئیران زندگی بکەن"، ئی پۆستیە وەرپرسەیل ئیرانی تویرە کرد و کۆمەلیگ کاردانەوە لە دویای خوەی هاورد.
لە دویاترین کاردانەوەیل وەرانوەر وە ئەو بازیکەرە رمانن پەیکەرەگەی بوی، ک هەرچەن لە "ساڵ 91 هەتاوی " عەلی کەریمی دژ وە دروسکردن پەیکەرەگەی بوی و راگەیاندوێد؛ خاسترە لەجیای سازدان پەیکەر ئەرا ئەو، پەیکەر شەهیدەیل و جەنگاوەریل دروسبکەن، تەنانەت لەوەر رازی نەوینی ئامادەی مراسیم وازکردن پەیکەرەگەی نەوی، ئێرەنگە وە لایەن حکومەت ئیران توومەتبار کریایە وە پشتیگیری کردن ئاژاوەگیرەیل (خوەینیشاندەریل) و وەلایەن پشتگیرکەریل حکومەت ئیران پەیکەرەگەی رمیایە.
