ئیران: دەوڵەتەیل ناوچەگە توانای وەرگریکردن لە خوەیان دیرن و نیەخوازێد هیزەیلمان کل بکەیمن
شەفەق نیوز/ ئیران داوا لە دەوڵەتەیل ئیسلامی کرد، توانای سیاسی و ئابوورییان وەکار بارن تا زوور بارنە مل ئیسرائیل تا تاوانەیلی بوسنێد، وەبی پشتبەسین وە گامەیل ئەمریکا یا خوەرئاوا یا نەتەوە یەکگرتگەیلیش.
ناسر کەنعانی قسەکەر وەزارەت دەیشت ئیران لە کۆنگرەیگ رووژنامەوانی ئمڕوو وت: ئەزموون لوبنان ئەوە چەسپان کە هەڕەشەی ئیسرائیل وەبان فەلەستین تەنیا لەبان زەویەیل فەلەستین نییە.
دووپات لەبان گرنگی ئەوە کرد کە دەوڵەتەیل ئیسلامی بزانن کە پاڵپشتیکردن مافەیل گەل فەلەستین پاڵپشتیکردنە ئەرا ناوچەگە و ئاسایشی، دووپاتیش کرد کە تەهران وەڵام هەر دەسدرویژییگ وەبان ئاسایش نەتەوەیی و بەرژەوەنیلی دەێد، و وەدەس بەسیای نیوسێد.
کەنعانی وتیش: شەرمە سەکوو نەتەوە یەکگرتگەیل بکەفێدە خزمەت قەوارەیگ دەسدرویژ و داگیرکەر، و سەرۆک وەزیرەیل تاوانکاری ئەرا هەڕەشەدان دەوڵەتەیل سەروەخوەی لە جەهان، وە پشتگیریکردن دەوڵەتەیلیگ گوایە ئویشن ئاسایش و ئاشتی ناودەوڵەتی و هەرێمی قایم کەن، و لەلاییگ گشت پشتگیرییگ لەی هەزارەی تاوانکارە کەن.
وتیش: ئی سەبر ئیمە لە دەر دانایی و لە چوارچیوەی مقیەتیکردن ئاسایش هەرێمی تیەێد، و دووپات کرد کە قەوارەی زایۆنیستی زانێد کە ئیمە توانا دیریمن وەڵام لەبان کردەوە گەمژەیلی بیەیمنەو، و خەمسەردی لە وەرگریکردن لە بەرژەوەیمان نیەکەیمن.
کەنعانی دیاری کرد کە دەوڵەتەیل ناوچەگە توەنێد وەرگری لە خوەیان بکەن وەرانەور دەسدرویژی ئیسرائیل، و نیەخوازێد هیزەیل ئیرانی کل بکەیمن.
