راپۆرتیگ ناودەوڵەتی شمارەی وەرسگەیل جەهان ئاشکرا کەێد
2023-07-13T07:36:12+00:00
شەفەق نیوز/ ئاژانسەیل نەتەوە یەکگرتگەیل باس کرد ک لە ساڵ ٢٠٢٢ شمارەی ورسگەیل لە جەهان دویای هەفت ساڵ لە بەرزبوین جیگیر بویە، بەڵام تا ئیسەیش لە ئاست وەرجە پەتاگە بەرزترە و دویرە لەو ریە کە بوودە هوکار نەیشتن ورسگی تا ساڵ ٢٠٣٠.
ریخریاگ خوەراک و کشتوکاڵ (فاو)، سندوق ناودەوڵەتی ئەرا گەشەپیدان کشتوکاڵی (IFAD)، یونیسێف، پرۆگرام جەهانی خوەراک و ریخریاگ تەندروسی جەهانی لە راپۆرتیگ راگەیان لە ساڵ گوزەشتە 691 ملیۆن تا 783 ملیۆن کەس تویش ورسگی بوین، واتە نزیکەی 9.2 لەسەد شمارەی دانیشتگەیل جەهان.
ئاژانسەیل لە ڕاپۆرت ساڵانە رەوش ئاسایش خوەراک جەهانی دەسنشان کردنە ک "وەختیگ ئەرا خەمسەردی نییە، چیونکە ورسگی لە ئەفریقا و خوەرئاوای ئاسیا و کاریبی وەردەوامە لە بەرزبوین".
وتیش؛ ئی راپۆرتە "چەودیاریکردنیگە ئەرا جەهان کە هیمان لە پەتایگ جەهانی خاسەو بوود و کەفتیەسە کاریگەری جەنگ ئۆکرانیا، کە بویە مدوو پەککەفتن زیاتر لە بازاڕەیل خوەراک و وزە".
