دوو پەلامار چەکدار کوشیان و زەخمداری خەێد لە ڤێتنام
وەزارەت ئاسایش گشتی لە بەیاننامەیگ ئاژانس رۆیتەرز بڵاوی کرد وت: چەکدارەیلیگ نەناسریاگ تەقە لە دوو بنکەی پولیس لە ناوچەی داک لاک کردن، وەلی ئاشکراکردن شمارەی قوربانیەیل.
وەزارەتەگە لە بەیاننامەیگ جیا وت: ٦ کەس گومان لە بەشداریکردنیان لەو دوو پەلامارە کریەێد، نیمەڕوو ئمڕوو یەکشەممە دەسگیر کریان، وەبی باسکردن هویردەکارەیل.
راپۆرتەیل راگەیانن فەرمی وتن: ٥ لەو کەسەیلە ک دەسگیر کریانەر خەڵک ناوچەی داک لاک بوینە، و شەشەمەگە خەڵک ناوچەی جیا لای شانیە.
بەیاننامەگە وتیش: وەزارەتەگە وەگەرد پولیس داک لاک هەماهەنگی کەێد وەمینەی گرووپە چەکدارەیل.
دیار نەویە ئەگەر پەلاماردەرەیل هانە ناو گرووپە تیرۆرەیل یا نە.
لە ساڵ ٢٠٢٠، دادگایگ ڤێتنامی فەرمان زیندانیکردن لەبان ٢٠ کەس دەرکرد ئەرا ماوەیلیگ لە دوو ساڵ تا ٢٤ ساڵ، وە توومەتەیل تیرۆر، دویای تاوانبارکردنیان وە تەقاتت بنکەیگ پولیس.
