دو كه‌س وه كۆرۆنا له ئه‌ڵمانيا مرد و شماره‌ى تويشهاتگه‌يليش له ئه‌مريكاو بريتانيا زياى كرد
2020-03-09T18:34:49+00:00
شه‌فه‌ق نيوز/ وه‌زاره‌ت ته‌ندروستى ئه‌ڵمانى، ئاشكراى مردن دو كه‌س تويشهاتگ وه ڤايرۆس كۆرۆنا كرد و بريتانيايش ئاشكراى چواره‌مين حاڵه‌ت مردن وه ڤايرۆسه‌گه كرد.
لاى خوه‌يه‌و، ئاژانس روێته‌رز باس له‌وه كرد حاڵه‌ته‌يل تويشهاتن وه ڤايرۆس كۆرۆنا له ولايه‌ت نيويۆرك ئه‌مريكى به‌رزه‌و بويه ئه‌را 142 كه‌س، ئه‌ويش دوياى ئه‌وه‌گ دويه‌كه يه‌كشه‌ممه 105 حاڵه‌ت بويه.
جى باسه، مات هانكوك وه‌زير ته‌ندروستى بريتانيا باس له‌وه كرد ك 319 حاڵه‌ت تويشهاتن وه ڤايرۆسه‌گه تۆمار كرياگه‌و باس له‌وه‌يش كرد چوار كه‌س گيان له‌ده‌سدانه.
