حەفیزە غایە ئەرکان سەرۆک نوو بانک ناوەندی تورکیا
2023-06-09T09:16:36+00:00
شەفەق نیوز/ رەجەب تەیب ئۆردوگان، حەفیزە غایە ئەرکان جویر سەرۆک بانک ناوەندی تورکیا دیاریکرد، لەهەمان مەوقە بانکەگە خوەی ئامادەکەێد ئەرا ئاڵشتکردن ئاراستەی و تونکردن سیاسەتی لەدویای چەن ساڵیگ لە داوەزین سوود نرخەیل و قەیران تێکچگن بژیەوی ژیان.
لە وەرین، حەفیزە لە پۆست سەرۆکایەتی جیوەجیکاری بەشداربویە لە بانک فێرست ریبابلیک، وەڕیەوبەر گشتی بویە لە گۆڵدمان ساکس.
حەفیزە لەماوەی پەنج ساڵ چوارەمین سەرۆک بانک ناوەندیە شوینەگەی شەهاب قافجی ئۆغلۆ گرد ک هەڵمەت داوەزین نرخ سودەیل ئەردوغان کرد و ک بویە هووکار داوەزینیگ میژوویی پویلیان لە ساڵ 2022 و هەڵئاوسانەیل ئەرا لویتکەی 24 ساڵ بەرزەوکرد.
ئارستەیل حەفیزە دیارنییە، هویچ ئەزمونیگ نەیرێد لە سیاسەت دراو فەرمی و لەماوەی پیشەیلی ک وول ستریت و ئیدارەی کۆمپانیایەیل ئەمریکا گرێدەو، هەمیش لە (ئایفی لیج) خوەنییە، ک کۆمەڵە کولێژ و زانکۆی وەناوبانگن، خاوەن بڕوانامەی دکتۆراس لە ئەندازیاری دارایی زانکۆی برینستۆن.
