ترەمپ هەڵمەتیگ ئابووری فراوان دژ وە ئیران و ئەرا "هەر دەوڵەتیگ" کە دەسمیەتی بەێد راگەینێد
شەفەق نیوز ـ واشنتن
سەرۆک ئەمریکا دۆناڵد ترەمپ، ئمڕوو پەنجشەممە، دەسوەپیکردن هەڵمەتیگ ئابووری فراوان وەبان ئیران راگەیان، و هەڕەشە کرد وە ئابلوقەی ئابووری و چەسپانن لێکەفتەیل گەورە ئەرا ئەو دەوڵەتەیلە کە هەر پشتگیرییگ دارایی یا بازرگانی پێشکەش بکەن.
ترەمپ لە بڵاوکراوەیگ لە بان پلاتفۆرم "تروپسۆشیال" وت: "کەس دەرفەت نەیرێد وە کۆماری ئیسلامی ئیران زیاتر لە من ئەرا رەسین وە رێککەفتن بەڵام، وە داخەو ئەرایان، شکست خواردن لەلی. هەر وەی مدووە، ئمڕوو تونترین پرۆسەی ئابووری ئەرا سەرکوتکردن راگەینم دژ وە هەر دەوڵەتێگ! ئیە جەنگیگ ئابووری و گۆشەگیری بوود لە قەبارە بیوینە".
وتیش، هێزە دەریاییەیل ئیرانی "دیاریان نەما"، و هێزە ئاسمانییەیل "وێران کریان"، لە وەختیگ کارگە سەربازییەیل بوین وە خوەڵەکوو، و پویل ئیرانی بی ئەرزشەو بوی، و دۆخ وڵاتەگە وەسف کرد وە ئەوەگ "پەیوەستە وە موویگ ناسک".
ترەمپ هەڕەشە کرد لەو دەوڵەتەیلەی کە ری دەن وە دەزگایەیل دارایی یا کۆمپانیاگان یا فڕۆکەخانەیل یا لایەنە حکومییەیل هەر جویرە پشتگیرییگ پێشکەش بکەن وە ئیران وە "سزای ئابووری گەورە"، و داوا کرد ئەرا وسانن "قاچاخچێتی نەفت، کڕەیل ئاڵشتکردن، گواستنەوەی نەقدی، نووسنگەیل ئاڵشتکردن، توومارەیل کەشتییەیل، و کۆمپانیا روکەش".
ترەمپ رێوشوینە نوویەیل وە "رووژیگ یەکلاکەر لە رووی ئابووری" وەسف کرد، و داوا کرد لە گشت هاوپەیمانەیل ئەمریکا کە وەگەردی بوسن ئەرا "گوشەگیرکردن رخداری ئیرانی و شکستدانی".
