ترەمپ: بایدن ئەوەسا ئەمریکا بەێدە ناو جەنگ جەهانی سێیەم
ئەوەیش لە یەکەم دیدار تەلەفزیۆنی لەناوەین لە بایدن سەرۆک ئیسەی ئەمریکا و ترەمپ سەرۆک وەرین، لە شار ئەتلەنتا لە ویلایەت جۆرجیا ئەرا یەکەمجار لە میژوو ئەمریکا وەبی جەماوەر و رووژنامەنویس وەڕیەو چگ، و ماوەگەی ٩٠ خولەک بوی، گشت کۆمپانیا گەورەیل تەلەفزیۆن ئەمریکی ئی دیدارە پەخش کردن.
ترەمپ وتیش: بایدن ئیمە کیشێدە ناو جەنگ جەهانی سێیەمەو ئیمە لە جەنگ جەهانی سێیەم نزیکەو بویمنە زیاتر لەوەگ هەر کەسیک خەیاڵی بکەێد، و وەرەو ناو جەنگ جەهانی سێیەم ئیمە بەێد".
لای خوەییش بایدن دووپات کرد کە ئەگەر ترەمپ لە مانگ نۆڤەمبەر سەرکەفت، خو ری دەێدە پوتین کە هەرچەگ بخوازێد وەرد ناتۆ بکەێد".
سەرۆک ئەمریکا دووپات لەوە کرد: ئەگەر جەنگ خوازین، دەرفەت بیەن وە پوتین باێدە نوا و دەس بنەێدە بان کیێڤ، و بزانن چە وەسەر پۆڵەندا و هەنگاریا و وڵاتەیل ترەک بان سنوور تیەێد، ئەوسا وەڕاسی جەنگ دوینین.
بڕیارە رووژ ٥ ئی مانگە هەڵوژاردن سەرۆکایەتی ئەمریکا وەڕیەو بچوود.
