بايدن ئەوەسا سیاسەت وزەی ئەمریکی ئاڵشت کەێد و کارکەێد ئەرا گواستنەوەی سەوز
شەفەق نیوز/ ماڵپەڕ ئابووری «سی ئێن بی سی»، پێشبینیەگان لە وەرگردن پۆست سرۆک ئەمریکا لەلایەن جۆ بایدن بڵاو کرد لە دویای سەرکەفتنی لە هەڵبژاردن سەرۆکایەتی ئەمریکا دوێکە شەممە، ک بایدن پشتگیر ژینگە و ووزەی سەوزە، ئەوەسا لە سیاسەت وزەی ئەمریکا ئاڵشت کەێد.
دابەشی ناودەوڵەتی نەفت
بایدن وە شیوەی ئیدارە وەرینەگان گرنگییگ وە دبلۆماسیانەی فراوان وەگەرد لایەنەگان نشاندا، واتە بوودە شیوەیگ کۆتایی ئەرا ئەرا ئەندامەیل ئۆپیک ئیران و فەنزەویلا ئەرا دەرچگن لە سزایل واشینتۆن، و دووارەکردن تەکان نەفتەگە، ئەگەر مەرجە گونجایایەگان جیوەجی کریان.
هێڵیگ ئەرا ئۆپیک
بایدن ئەو پەیوەندیەل گەرمە ک تڕامپ وەگەرد شازادەی سعودی محمد بن سەلمان وەدەسی نیە، ئی دەوڵەتە گەوراترين دەنگە لە رێکخراو دەوڵەتە هەناردەکارەیل نەفتە، واتە ک شایەت بایدن لەنزیکەوە بەشدار سیاسەت بەرهەمکاری کۆمەلەگە نەوود.
ئاڵشتبوین سەوز
ئیدارەی بایدن ئەوەسا نووڕیدە دووارەچگنی ئەرا رێککەفتن کەشوهەوای پاریس، ک خوەی رێککەفتنیگ ناودەوڵەتیە لە وەخت ئیدارەی ئۆباما لەبانی دانووستان کریا، ئەرا نواگردن لە گیرهاتن گەرمی، ک تڕامپ وە قسەگەی ک شایەت زەرەد لە ئابووری ئەمریکا بەێد خوەی کیشاگەو.
بایدن هەمیش پەیمان دا وە کەمەوکردن تەکان گازی ئەمریکی ئەرا سفر وە گەرد هاتن ساڵ ٢٠٣٥ ، ک خوەی ئامانجیگە جیوەجی کردنی وەبی زۆرینەی دیموکراتی لە کۆنگرس ئاسان نیە.
بایدن دوینێد ک ئاڵشتبوین کەشوهەوا هەڕەشەی هەمیشەییگە ئەرا هەسارەی زەوی، و گواستنەوە لە سووتەمەنی شایەت بوودە دەرفەتیگ ئابووری ئەگەر ئەمریکا وەزوی جوولە کرد تا لە وزەی پاک بکەفێدە نووا.
چاڵکەنین فیدڕاڵی
لەوەختیگ ک تڕامپ هەوڵدیاد ئەرا گەوراکردن بەرهەم نەفت و گاز ناوخۆیی، بایدن پەیمان وە قەیەغەی مووڵەتەیل چاڵکەنین نوو لە بان زەوی و ئاوەیل فیدڕاڵی دا، ئەرا نواگردن ئاڵشتبوین کەشوهەوا.
