بڵویزەی ئاگریگ لە شوون تەقینەوەگەی بەیروت
شەفەق نیوز/ میدیایل لوبنانی، ئمڕوو چوارشەممە، خەوەردان لە بڵویزەی ئاگریگ ''کۆنتڕۆڵ کریاگ'' لە شوون تەقینەوەگە لە بەیروت پایتەخت.
میدیاگان لە خەوەرەیل وەپەلە وتن: شەوەکی ئمڕوو، دووارە ئاگریگ بڵوویزە دا، لە شوون تەقینەوەگە، ودووپاتکردن ک هالە ژیر کۆنتڕۆڵ. میدیاگان ئاماژەدان ک تیمەیل وەرگری مەدەنی تەقەلا دەن کپیەو بکەن، و وتن؛ سوپا بازنەی ئەمنییگ لە دەورگرد بەندەرەگە گرد.
تیمەیل ئاگرکوژێنەوە و وەرگری مەدەنی، لە سەرەتای شەوەکیەو وەردەوامن لە لاوردن جیماگەی تەقینەوەگە لە بەندەر بەیروت و دەورگردی، ومەینەی قوربانیەیل تەقینەوە گەپەگە کەن، ک دویەکە ئیوارە شارەگە هەژان.
زانیاریە سەرەکیەگان ئاماژەدەن وە دەیان بیسەروشوون هیمان هانە ژیر خراوه‌ی بیناگان ک بەشیگیان وەتەواوەتی وەیران بوی، و تا ئیسە دەسەڵاتە تەندروسیەگان دەور ٨٠ کوشیاگ و زیاتر لە ٤ هەزار زەخمدار تۆمار کردن.
