بیماری نادیاریگ دەوڵەتەیگ ئەفریقایی داگیر کەێد

شەفەق نیوز/ دەسەڵاتەیل تەنزانیا، ئمڕوو پەنجشەممە، تیمیگ لە پزشک و پسپۆڕەیل تەندروسی ئەرا باشوور خوەرهەڵات وڵاتەگە کلکرد، تا لێکۆڵینەوە لە بیماری نادیاریگ بکەن، گیان سێ کەس رفانیە.  

ئەیفیلۆ سیشالوی گەورەی وەرپسەیل پزشکی لە حکومەت، لە بەیاننامیگ وت: ئەو بیماریە ئاشکرا کریا ک خوین لە لویت وەردەێد وەگەر تەو وسەرژان وشەکەتی، لە ناوچەی لیندی.   

وتیش: حکومەت تیمیگ لە پسپۆڕەیل دروس کرد، ک هیمان لێکۆڵینەوە لەی بیماری نادیارد کردن، وداوا لە خەڵکەگە کرد ئارام بوون. 

هەمیش باس ئاشکراکردن ١٣ کەس کرد ک تویش بیماریەگە هاتنە، وسێیان لەناویان مردنە، وەگورەی "فرانس پرێس". 

سیشالوی دیاری کرد ک ئەنجام تاقیکردن بیمارەیل ئاشکرای ئەوە کرد ک وە ڤایرۆس ئیبۆلا یا ماربۆرگ یا کۆڤید-١٩ تویش نەهاتنە.