بەرزەوبۊن کوشیان و زەخمداری لە ئاژاوەیل کازاخستان

شەفەق نیوز/ ئامار ئەو ئاژاوەی خۊینینە ک لە کازاخستان لەابن گرانکردن نرخ گاز بۊی، رەسیە دەیان کوشیان و ئەندامەیل پۆلیس هاناویان، وگەرد هەزار زەخمدار، لەوەختیگ رووسیا و هاوپەیمانەیلی راگەیان کلکردن هێزەیل مقەیەتیکردن ئاشتی وەرەو کازاخستان.        

دەسەڵاتەیل ناوخۆیی راگەیانن کوشیان ١٢ کەس لە هێزەیل ئەمنی و زەخمداری ٣٥٣ ئەندام تر لە ئاژاوە و ناڕەزاییەیل کازاخستان.             

ئی شمارەیلە خریەنە بان ئامارەیگ وەرین باس لە دەیان کوشیان لە ناڕەزاییە کردن هەنای تەقلا دان دەس بنەنە بان هینایلیگ ئیداری لە ئەڵماتی، پایتەخت ئابووری کازاخستان.     

لە خود باوەتەگە،  وەزارەت تەندروسی کازاخستان،  ئمڕوو پەنجشەممە، لە تەلەڤزیۆنی فەرمی ڕایگەیان زیاتر لە ١٠٠ کەس زەخمدار بۊینە.