کاوڕ وه سه‌نگ دولار دفرووشرێ
2020-11-18T07:24:01+00:00
شه‌فه‌‌ق نیوز- ره‌ییس سازمان دامپزشکی ئێران ده وت‌ووێژێ تلیفزیانی ده جواو ئی پرسیارییه ک ئه‌ڔا گووشت کاوڕ، ده ئێران، ئێقه‌ره گرانه‌و بییه، وت: قیمه‌ت گووشت ده ئێران، وه نرخ دولار که‌فتگه، چوون هه ئێسه کاوڕ به‌نی په‌روار ئێرانی ک ئه‌ڕا عه‌راوه‌یله فره دڵخواز و وه دنانێیانه، ده ئی عه‌راوات لێوار خه‌لیج فارسه په‌نج، شه‌ش جار گرانتر له نرخه‌گه‌ی ده ئێران دفرووشرێ.
ئه‌وی وت: ئی بازاره، هه‌شت ملیوون کاوڕ به‌نی ده هه‌ر ساڵ خواز دکه‌ێ.
ئه‌‌و ده جواو ئی پرسیارییه ک مه‌گه‌ر خه‌ڵک ئێران، کراده‌س و کراکاره‌یله‌یان وه دولار دسینن تا گووشت یا هه‌ر چشتێ تر وه نرخ دولار بسینن، وت: جواو ئی پرسیاریه کار ئیمه نییه.
