ئاڵشتبوی نوویگ لە کۆڕۆنا زەنگ رخبرن کوتێد
2023-04-16T12:03:47+00:00
شەفەق نیوز/ ئاڵشتبوی نوویگ لە ڤایرۆس کۆڕۆنا، دویای زیایبوین تویشهاتنەبل لە هندستان، نیگەرانی دروس کرد، ک شایەت تویشهاتنی وە ١.٢ ئەوەنەی ئاڵشتبوی "كراكن" سەختتر بوود.
ئەو ئاڵشتبوی نووە وەناو (Arcturus) ک هەمیش وەناو XBB.1.16 ناسریاگە، لە نەوەیل "ئۆميكرۆن" هاتگە، لە کانون یەکەم گوزەشتە پەیا کریا، و ریخریاگ تەندروسی جەهانی چەودیاریی کەێد.
لە وەخت پەیابوینی تا ئیسە، لەناو ٢٩ دەوڵەت بڵاو بویە، و هەرچەن پسپۆڕەیل ئویشن؛ هاتێ لەناو وڵاتەیلیگتر هەس وەلی ئاشکرا نەکریاگە.
ماریا ڤان کیرکۆڤ خانمە سەرۆک هونەری کۆڤید لە ریخریاگ تەندروسی جەهانی وت: لە باوەت بڵاوبوین (Arcturus) ک وەرجە چەن مانگیگ بڵاو بوی، هویچ جیاوازییگ لە سەختیەگەی لەلای تاکە کەسەیل یا دانیشتگەیل نەیمنە، بازکوتانیگ لە پرۆتین سپایک دیرێد، ک لە تاقیگە زیابوینیگ لە تویشهاتنی نشان دار وەگەرد دەرفەتیگ ئەرا سەختی بیماریی.
