ئاگریگ گومانی لە دەورگرد کۆشک پۆتین لەبان دەریای سیا
2023-08-30T15:47:24+00:00
شەفەق نیوز/ راپۆرتیگ رووژنامەوانی ئاشکرا کرد کە ئاگر دارسانەیل وە شیوەیگ گومانی هیز گردیە، لە دەورگرد ئەو سەیرانگایلە لەبان دەریای سیا لە ناوچەی جیلینجیک رووسیا، و ئیرنگە هەڕەشەی کۆشک سەرۆک رووسیا فلادیمێر پۆتین دەێد.
ئاژانس رۆیتەرز دیاری کرد کە سەدان لە پیاوەیل ئاگرکپەوکردن تەقەلای کپەوکردن ئاگرەگە دەن، کە مەزەنە کریەێد وە دەسی کەسیگ کریایە، و ١١٨ هیکتار لە زەویلەیل دەورگرد ناوچەی جیلینجیک لە هەرێم کراسنودار رووسیا هیز گردیە.
ئاگر دارستانەیل لەو ناوچە هیز گرد کە کەفێدە بان دەریای سیا، کە یەکیگە لە ناودیارترین سەیرانگەیل وڵاتەگە.
ئەلیکسی بوجودیساۆف لەبان تیلیگرام نویسان: دەسەڵاتەیل ٤٤١ کەس بڵاو کردن وەگەرد زیاتر لە ٨٠ ماشین و فڕۆکە و هەلیکۆپتەر لە تەقەلای کپەوکردن ئاگر دارسانەیل کە نزیکەی ٢٩١ فەدان سزانیە.
