216 زاڕوو لە کشیشەێلە ئازار دینە
شەفەق نیوز/ جەرخەیێگ ک ئەڕا وەرچەم گرتن ئازار جنسی دیین مناڵەێلە نریاگە وتگە: لە کشیشەێلە ک لە ساڵ 1950وه تا وە ئێسە 216 زاڕوو له لایه‌ن کشیشەێل کلیساێل کاتولیک فەرانسە ئازار دینە و کەتی‌وەتی وە سەرێیان هاتگە.
"ژان ماساوو" بەرپرس ئی جەرخە وتگە: ئەر بێ‌ژە ئی ئازارەێلە، بخوازیمن گەنەکاری پیاگەێل ترێ ک دە کلیسا بینەێش بویشیمن دبینیمن ک بان 330 هزار کوڕ دە ئی کلیساێلە خەفەت دریانە.
ساوو وتگە: ئی تەحقیقاتەێلە دە ساڵ 2012 ئوو وه داخوازی کلیساێ کاتوولیک فەرانسە کریاگە هەرچەن ک تا ساڵ 2000ەو هووز کلیسا وە تۆند و تێژی، نواێ هەر قسە و شیکاریێ دە ئی بارەوە دگرتن و دئەوشاردنەێ‌وە.
ئی کمیسیوونه چمان 2900 تا 3200 گەنەکار لە 115هزار کشیش و کارمه‌ند کلیسا دزانێ.
یەکێ لە خەفەت‌دریاگەێلە وتگە: ئیمە ئەڕا ئی جەرخە ک نریاگە فرە خوەشی دکەیمن و یە وە خاڵ عەتفێ دزانیمنەێ.
ئی رووسیاتییەرییە یەکێ لە رسوائییەێلێگە ک ئی دۆمادۆما دژ وە کلیسا، پتسا دکەفێگە دەرەو.
وه بان قانوون فەرانسە، هەر جورمێ هن زوونان و جاران ببێ، شوونگیری نەدکرێ.
