ماسی سیە بویچکەڵە
شەفەق نیوز/ ماسی سیە بویچکەڵە، پەرتووکیگ چیرووک مناڵە، کە وەزوان کوردی شیوەزار فەیلی یا کوردی خوارین ئەڵگەردان کریایە.
وەرگێڕان ئی کتاوه پێشکەشه وه مناڵەیل میلکانم
ک ھمـێ پیشکفتـن بانان وڵاتگەمانـن!
وەی وشەیلە، سارۆ خوسرەوی دەسکەێدە ئەڵگەردان پەرتووک چیرووک مناڵەیل، وەناونشان ماسی سیە بویچکەڵە، کە لە نویسین سەمەد بێھڕەنگیە.
ئی پەرتوکە وە وینەیل رەگرینیگ وەلایەن داوود مەجیدیان رازیاسەو، تا زاڕووەیل فرەتر خوەشیان لە خوەنستنی باێد، و هەمیش فرەتر لەو چیرووکە بڕەسنەو، و لە هویرمانیان بمینێد.
ســارۆ خوســرەوی " لــه داڵگ بــۈی بــازگر زەھــاو لــه ناوچــەی کرماشان له ساڵ ١٣٥٦ ھتاوی (شەمسی)ـه.
سـارۆ سـوواد مەکتەو خـوەی لـه پلـەی زانـستگە لـه نـاو نیشتمان داڵگی تەنانەت وه زوان فارسیش نەتوانستیه دەسـپبکەی و تام تاڵ جیایی له خاک و ژان دۊری له تەمەن کـەمـێگەو ئەزموون کردیه، بەس ھەست ناسک و دڵ زامدارێ وڵوڵه و شپۆل و لافـاو نـاو سـینگ تـەنیـا گرد وه زوان ھـاوردن شـعرا ئـامووش کردیه، جارجاریش وەل کیـشان وینە و نـەقاشـیەیلیـا ک بـاس لـه پەژارەیگ داکیشای له جەسـەی ئـامووش کریـای لـه وڵاتیـگ خەراوە کەێد.
ئی جاره سارۆ دەس کردیەسه ناو زانیـاری و توانای ئەڵگەردان ئەدبیات فارسی وە کوردی. دەس ناسه بان بەرهەم کەسیگ ک جـی پـای لـه نـاو ئـەدبیـات مناڵەیـل دیـاره.
