هەر لە ئەوەڵەوە ریمان جیابوی
2023-10-23T11:53:16+00:00
تو لە رووژ نەهاتیگ هاتی
ئەی شەمشەمەکوورەی…
بن ئەشکەفتەیل هووز نیاندرتاڵ
ئەی دەمخۊنین گوشت تاڵ
من وە هەڵاتن خوەر رۊەو ئاسوو چیم
هەر چیم و دنیا دیم
ئاشق رەنگەیل بیم
هەیران دەنگەیل بیم
تاریکی لە پشت سەر دیم
نۊر لە هۊرم پژانم و خوەم دیم
تاج ئاگر لە سەر نام
پا لە شوونەیل خەتەر نام
چەم دەسم گرد و خستەمە شوون مانگ،
دارسان وە رێ سەوزا
تا ناو دڵ دڵنیایی بردەم
من و تو هەر لە ئەوەڵەوە ڕێمان جیا بی
تو لە سای سەرد سایەر خوەد
نیشتەجا بید
رۊ من لە کەوکەوین ئاسمان، بەرزیی چیا بی.
کاوە خوسرەوی
