ئێرە کوورەی دنیاس

ئێرە کوورەی دنیاس؟

ک وا و وەهار و واران

لە لێ واز تیەرن !

ئێرە کوورەی دنیاس ؟

ک کیەنییەگان

چۊنە دڵ لیخنن

دی شازایەی مانگ

لۊیەت لۊیەت

لە ناوێیان سناو نیەکەی !

وە ڕاس

ئێرە کوورەی دنیاس؟

ک کوچگەیل

بووێ لە کۊیە نەوردنە !

چەمەگان سەر گووشێیان وە دەریا نیەخوەی !

دارەگان، مەلۊچگەیل لە قەرە نیەیلن !

دەیشتەیل دڵەقرچی ئڕا وەهار نیەکەن !

و جادەیل

هۊچ ڕێوار° شەکەتێگ

وە پەرتخ نیەوەن !

وە داخەو....

وە داخەو....

ئێرە کوورەی دنیاس گ°

کۊیە وە کۊیە ڕەسێگ

من و ت° بەڵام

هۊچ وەخت وە یەک نیەڕەسیم؟

وه ڕاس

ئێرە ئاخر دنیاس...!

مەسعوود قەنبەری

لە پەرتووک: گوورانییەیل وا