خانەێ قین

خانەێ قین

برا قین کردی لە ماڵ دایدەو دەر 

لە شووند هاتم دەیشت گردم  لەوەر 

هەرچێ پا کۊەۊ  م  وە پا بڕیم 

وە دەنگێ  هورەێ  سەرکۊان چڕیم 

کۊەو کەش لەلیم هاتەو دەنگ لەژان 

تا دەنگێ چڕیم له لیم سەنەو سان 

دڵخوەشیم یە بۊ  یە براگەمه 

تەمەز وڵنگەێ وانگ خوەم ئڕا خوەمه 

ت یەێ لاێ وڵات لیم  کردی جیا 

خانەێ قین ناوێ خانەقین  نریا 

لە ئەڵوەن ئرمس  م  دام وە ئاوا 

تا وە لاد رەسی وسام وە پاوا 

چەوەڕی رێد بۊم ئەو چەمە سەنم 

بۊمە خوسرەوی لەو مڵکه  مەنم 

ناوهێنێ لە سیم کەفت لە بەێنمان 

ئەڵوەن وشکۊ لە ژێر  دەێنمان   

بەشێ لە کتاو شرین خەو   

خسروی (هیواشیان)