هونەر و پەروەردە
ئی وینە کوڕیگ نشان دەێد، کە لە خوەنەواری مەکتەو وە بیئومیدییگ تیەێدە ماڵەو، و پلەی فرە کەمیگ هاوردیە، و دیارە لەناو ئی وینە شیوەی بەزەیی و پەشیمانی لە دەموچەو ئەو کوڕە، و باوگ و داڵگی وە چەو گلەیی وەپی نووڕن، و کوڕیگ لەناو وینەگە دیارە، ئاشکرای کە برایە، لە کووڵ پایسکڵ، ئەویش وە شاکامی نووڕێد.
لەناو ئەو وینە، تەنیا چشتیگ لەناو ماڵەگە دڵ ئی کوڕ بیئومیدە دەێدەو، خوەی ئەو سەگ چەرمگە بویە، کە چوودە پیرییەو، و وەڕوی خوەشیگ باوەش وەپی کەێد.
هونەرمەنەگە لەناو ئی تابلۆ ئویشێد، هەکاتی ئەو سەگە وەگەرد کوڕەگە رەفتار بکەن، کە سەگەگە هەمیشە دووسی دیرێد، چ ئەگەر شکست لە خوەنەواری هاوردیە یا ئەگەر سەرکەفتن هاوردیە.
یە نموونەیگە ئەرا ئەو هونەرە کە پەروەردەی مەردم دەێد و رفتاریان راسەو کەێد، کە دەسنشان ئەوە کەێد کە دووسی هەمیشە بنمایەی پەروەردەی خاسە، شایەت گلەیی و شاکامی و سزا رەوشت مناڵەگە وەرەو بەدی بوەێد، وەلی دووسی هیلێدەی پەیوەندییگ قایمتر وەرد خیزان و کۆمەڵگا دروس بکەێد.
