مردن ماريسا باريديس خانمە ئەکتەر ناودیار ئیسپانیا

شەفەق نیوز/ ئەکادیمای سینەمای ئیسپانیا، مردن خانمە ئەکتەر ماريسا باريديس راگەیان، کە یەکیگە لە ناودیارترین ئەسارەیل سینەمای ئیسپانی، لە تەمەن ٧٨ ساڵە.

 باريديس وە نازناو "دویەتەگەی ئەلمودوفار" ناوبانگ بوی، لە ئەنجام هاوکاری دویر و درویژیگ وەگەرد دەرهێنەر ناودیار ئەلمودوفار.

 باريديس لە تەمەن چواردە ساڵان دەسکردە کار هونەری، و لەناو ٧٥ فیلم دەرچگ، دیارترینیان "گشت چشتیگ لە داڵگم"، "گوڵ نهێنی من"، و"کەوش ژیر بەرز"، و میژووی رەسیە بازکوتانیگ ناودەوڵەتی دویای بەشداریکردنی لە فیلم Dark Habits لەساڵ 1983، و سینەمای ئیسپانی چەن خەڵاتیگ وەپی پەخشی، هەمیش لە فیلمەیل جەهانی دەرکەفت جویر Life is Beautiful  وThe Devil’s Backbone.

وەگەرد کارەیل هونەریی، باریدیس پۆست سەرۆک ئەکادیمی سینەمایی ئیسپانیا وەرگرد لەناوەین ساڵەیل 2000 و2003، کە پایەی خوەی جویر یەکیگ بە سومبولەیل سینەمای ئیسپانی نشان دا.

ئەکادیمیای سینەمای ئیسپانی لەبان ماڵپەڕ خوەی فە لە سۆشیال میدیا شانازی وە میراتی باریدیس کرد، و وت: سینەمای ئیسپانی یەکیگ لە دیارترین ئەکتەرەیلی لەدەسدا.