(فولە) خانمە گورانیچڕ جەزائیری لەبان چاو مردنی تیەێدە دەنگ

شەفەق نیوز/ چاو مردن فولە جەزائیری بڵاو بوی، گوایە دویای بیمارکەفتنی، و خەفتنیگ لە خەسەخانە، گیانی لەدەسداگە، و لەبان سۆشیال میدیا باسی کریا.

وەلێ ئەو هونەرمەنە بەیاننامەیگ دەرکرد و ئەو خەوەرە دروزن کرد، و وت: تەندروسی خاسە و بیوەیە، و لە وڵات خوەی لە جەزائیر لەناو باوان و مەردم خوەی داکاسیاس، و نە چیەسیە خەسەخانە لە پاریس نەیش لە خەسەخانەیگ ترەک.

لە پۆستیگ لەبان ماڵپەڕ فەرمی خوەی وتیش: هاناو ستودیۆ و ئامادەکاری ئەرا دەرکردن گورانییگ کەێد لەبان زیان خەڵک فەلەستین، و ئەو چاو و خەوەرەیلە راس نیین. 

فولە دڵنیای دووسەیلی کرد لەبان تەندروسی و بیوەیی، و وت: ئی بڵاوکردن مەردمیگ ئاست نزم بڵاویان کەن.