دەسگیرکردن خانمە گورانیچڕیگ ئیرانی چوینکە وەبی (حجاب) دەرچگە

شەفەق نیوز/ دەسەڵاتەیل ئیرانی، خانمە گورانیچڕیگ ناودیار دەسگیر کردن، کە گورانی وەبی حجاب پیشکەش کردگە، لە وسیانیگ وەڕوی فەرمانەیل حکومەت، هەمیش دوو کەس لە تیپ مۆسیقاگەی دەسگیر کریان.

 پاراستو ئەحمەدی خانمە گورانیچڕ ئیرانی، ئاهەنگیگ لەبان یوتیوب پیشکەش کرد، کە لەچک لەسەری نەوی.

پەناه پوور پارێزەر هونەرمەنەگە وت: وەلایەن دەسەڵاتەیل ئیرانی لە باکوور وڵاتەگە دەسگیر کریا، و دوو کەسیش لە تیپ مۆسیقاگەی لە تەهران دەسگیر کریان.

وتیش: نیەزانێد ئەرا کوو بریانە، و هویچ پەیوەندییگ نەیرن.

کەسەیل فرەیگ لە ناو و دەیشت ئیران ئافەرین لەو خانم هونەرمەنە کردن ئەرا رەفتار ئازایی و ویرەداریی کە لە روی یاسا سەختەیل لەبان پڕتاڵ ژن لە ئیران وسیا.