وە تەمەنترین پیاو جەهان ئاشکەرای بەرنامەی خواردنی کەێد
2024-04-07T14:02:48+00:00
شەفەق نیوز/ لەدویای ئەوەگ لەماوەی مانگ گوزەشتە وەتەمەنترین پیاو جەهان لە تەمەن 114 ساڵی کووچ دویایی کرد ئیرنگە جۆن ئەلفرێد تینیسوود تەمەن 111 ساڵ وە وەتەمەنترین پیاو جەهان هەشمارکرێد.
پێگەی "عەرەبیە" لەباوەت وەتەمەنترین پیاو لەجەهان راگەیاندیە "تینیسوود" بەریتانی لەداڵگبوی 26 ئۆگست ساڵ 1012ە، چەن مانگیگ دویای رویداوەگەی کەشتی تایتانک لەداڵگبویە و هەردووگ جەنگ جەهانی یەکەم و دویەم دیە، لە جەنگ جەهانی دویەم لەناو سوپای بەریتانیا سەربازبویە.
لەباوەت جویر و چۆنیەتی خواردنی ئویشێد، ئەوەگ کلیل ژیانیگ تەندرسە کە سیگار نەکیشایە فرە وە کەمی کحول نووشیە، خوەی وە سیستەمیگ دیارکریاگ خوەراک نەوەسایە تەنیا ئەوە نەود لە هەفتیگ یاک رووژ گووشت ماسی و پەتاتە خوەێد.
