کوڵە باسیگ لە ژیان ستیڤن هۆکینگ
2023-08-01T08:36:54+00:00
شەفەق نیوز/ ستیڤن هۆکینگ لە ئۆکس فۆرد لە ساڵ 1942 لە ئینگلاند لە داڵگبویە یەکیگە لە وە تواناترین زانایەیل فیزیا لە جەهان، لە زانکۆی ئۆکسفۆرد خوەنستیە پلەی یەکەم وەدەسهاوردیە و دویایش خوەنستنەگەی لە زانکۆی کامبرج تەواو کردیە چەن تویژینەوەیگ دیرێد لە گەردونناسی و چەندین توێژینەوە تر ک پەیوەنی وە کونا سیاگان و داینەمیک گەرمی دیرێد توەنستیە داھێنان لەلی بکەێد یەیش چەن نمونەیگە لە داهێنانەگانی:
١-لە ساڵ 1971 وەگەرد بیرکاری زان (ڕۆجەر برۆنز) لە ری بیردۆز رێژەی ئەنیشتاین ک کریەێد کونا سیاگان سەرەتایگ بیاشتوون.
٢-لە ساڵ 1974 چەسپنێد ک کونا سیاگان تیشک بیەن وە پیچەوانەی گشت بیردۆزەیل تر ئەو سەردەمە وە ناونریا تیشک هۆکینگ.
٣-لە ساڵ 1988کتاو میژوو کوڵی وەخت بڵاوکرد.
٤-لە ساڵ 2001 کتاو "" گەردوون وە کوڵی"" بڵاو کرد.
٥-ساڵ 2010 کتاو "" دیزاین مەزن "" بڵاو کرد.
لە تەمەن 21 ساڵی تویش بیماری دەماری تێد ئەویش بیماری “ALS” بوی وە پزیشکەیل وتن توەنن بیلن تەنیا 2 ساڵ تر زندگی بکەێد باوجی توەنست برگە بگرێد تا لەوەر بیماریەگە نەتوەنست قسەبکەێد و بجویلیەێد، وەی مدووە کۆمپانیای “”Intel”” ئامێریگ ئەرای دروس کرد ک لەبان کورسیگ بجویلیەێد و وە ئامێریگ تر قسەبکەێد.
