کەیوانوویگ سویدی شمارەی پەیمانەییگ وە پاڕەشووت توومار کەێد
شەفەق نیوز/ داپیرەیگ سویدی، لە تەمەن سەد وسێ ساڵی، شمارەی پەیمانەیی ئەرا پیرترین کەسیگ وەدەس هاورد ک وە پاڕەشووت خوەی بخەێدە خوار، وتیش: نیاز دیرێد ئاهەنگیگ وە کێک بویچگیگ وەی سەرکەفتنە بکەێد.
رۆت لارسون ئەرا ئاژانس خەوەری سوید وت: ئی کارە چشت خوەشیگ بوێ، یە ماوەی درویژیگە هویر ئی کارە کەم، وکارەگە وەگورەی دڵ وەڕیەو چگ.
لارسون لە موتالای سوید ئەو هەلقوڵانە ئەنجام دا، وکەسوکار وخیزانی لە فڕۆکەخانە چەوڕی پیشوازیکردنی بوێن.
ئەو داپیرە، وەگەرد هاوبەشەگەی، وە ئارامی خوەی لە فڕۆکەگە خستە خوار، وهەنای رەسیە زەوی کەسوکارەیلی وەلەک ئەرای ئامادە کردن تا هیز بگرێد وبکەفێدە ری.
نوێنەر کتاو گینس لە مەوقەی هەڵقوڵان ئەو کەیوانووە ئامادە بوی، و رۆت لارسون لەتەمەن ١٠٣ ساڵ و ٢٥٩ رووژ، ئەو شمارەی پەیمانی وەرینە شکان، ک وەرجەیە پیاویگ لە تەمەن ١٠٣ ساڵ و ١٨١ رووژ تووماری کرد.
