ژنیگ لە بانکۆک سێ رووژ لەناو حەمام گیر هاتیە
شەفەق نیوز/ پۆلیس تایلاند، ژنیگ لە بانکۆک پایتەخت رزگار کرد، ک تا ماوەی سێ رووژ لەناو حەمام ماڵەگەی گیر هات، ئەوەیش هەناێ پۆلیس ناچار بویە دەر حەمامەگە هەڵکەنێد.
ئەو ژنە لەتەمەن ٥٤ ساڵان، وە نووشین ئاو لە لویلەی ناو حەمامەگە ئەو سێ رووژە گوزەران کرد.
پۆلیس وت: ژنەگە رخی چیە، و تەمەی خوەی لەقەی دیوارەیل حەمامە تەنگەگە وە دەرمان جوانکاری نویساگە.
هەر لە ئیوارەی دووشەممەی گوزەشتە ئەو ژنە ک لەناو ماڵەگە تەنیاس، چیەسە ناو حەمامەگە و دەرگە لەبانی کلیل بویە، و لە هەویوەت گیانی دەسگ دەرەگە شکانیە، وەلی دەر واز نەویە.
نەقیب پۆلیس لە فرا خانوگ چانچای سونسیانگ ئەرا ئاژانس فرانس برس وت: خوەشکەگەی تا ماوەی سێ رووژ نەتوەنستیە پەیوەندی وەپی بکەێد، ئەراوە داوای دەسمیەتی لە پۆلیس کردیە تا بچوودە ماڵی، چوینگە دەرەیل ماڵەگە لەناوەو بەسیانە.
پۆلیس وتیش: ژنەگە ئیسە تەندروسیی خاسە، وەلی تویش بیزاری دەروینی هاتگە.
