ژنە دەوڵەمەنەیل جەهان  

شەفەق نیوز/  100 ژن ده‌وڵه‌مه‌ن لە جەهان هه‌ن ك ئەرا گردکردن سامانهیاک پشت وەخوەیان بەسانە، و چەوەڕی میرات و سامان نەۊینە تا ئەرایان بمینێدەو.    

میدیایل جەهان ناو بڕێ له‌و ژنەیلە هاوردنە ک یانە بۊین:   

 دیان هندریكس، خاوەن كۆمپانیای ABC Supply ئەرا چواره‌م ساڵە پشتاوپشت  له‌ پله‌ی یەکەمە، و خاوه‌ن 11 ملیار دۆلاره‌.    

جودی فۆڵكنه‌ر، خاوه‌ن دامه‌زراو Epic Systems  ئەرا توومار له‌ پله‌ی دۊیەم هاتگە، و سامانه‌گه‌ی 6 ملیار و 500 ملیۆن دۆلاره‌.    

پله‌ی سێیه‌م، میگ ویتمان، سه‌رۆك جیوەجیکردن كۆمپانیای Quibi ، ک سەکوویگ تایبه‌ت وە ناوه‌ڕۆكی کوڵە، و خاوه‌ن 6 ملیار و 300 ملیۆن دۆلاره‌.    

بیزۆس، له‌ چەن چرکەیگ 13 ملیار و 700 ملیۆن دۆلار لە دەسدا، و له‌ ته‌خت ده‌وڵه‌مه‌نده‌كان هاتەخوار، ئیسە کەفتە  پله‌ی چواره‌م.    

ئەوەکان تر لەناو لیسته‌گه‌ چه‌ن خانمیگ سه‌ركه‌فتگ ک ئەرا بنمایە  وەیەکەونان سامان پشت وەخوەیان بەسانە، جۊر ریهانا و دۆلی پارتۆن و سیندی كرۆفۆرد و خێلی كارداشیان.    

ریهانا گۆرانیچڕە و خاوه‌ن یه‌ك ملیار و 700 ملیۆن دۆلاره‌ و له‌ پله‌ی 16‌مین 100 ژنه‌ ده‌وڵه‌مه‌نە، دۆلی پارتۆن 350 ملیۆن دۆلار دیرێد و هەسارەی  مۆزیكه‌ و له‌ پله‌ی 86 هاتگه‌، سیندی كرۆفۆرد  ژنه‌ بازرگانه‌ و له‌ دۊیا پله‌ی لیسته‌گەس و 225 ملیۆن دۆلار دیرێد، خێڵی كارداشیان له‌ پله‌ی 24ی لیستەگەس وە یه‌ك ملیار و 200 ملیۆن دۆلار هاتگە.