ژنیگ دۊیای مردنی واکسین بەێد

شەفەق نیوز/ لە هیندستان،  ژنیگ وەرجە دوو مانگ مردیە، پەیامیگ ئەرا هات، گوایە دۊیەم تاقەبەش لە واکسین کۆڕۆنا کوتایە.    

وەگورەی رووژنامەی  "ديكان هيرالد" هیندی، ئەو کارە لە ئاوای خارماولی لە ویلایەت بیهار بۊیە، ک شۊی ژنە مردگەگە، پەیامە ناکاویەگە رەسیە مۆبایلەگەی.       

رام ئۆدگار ساگور،  شۊی لالو دەیڤی ئۊشێد: لە ١٩ی تەشرین یەکەم ژنەگەم وەبیمارییگ مرد، و بڕوانامەی مردنی لە خود ئەو رووژە دەرچگ. 

وتیش: دۊیای دوو مانگ لە مردنی، ئیسە پەیامیگ لە وەزارەت تەندروسی هاتگە، گوایە ژنەگەم بڕوانامەی واکسین کەفتە دەسی، دۊیای وەرگردن دۊیەم تاقەبەش واکسین کۆڕۆنا.