"مۆز به‌هه‌يشت" چوينه‌و چه‌س؟
شه‌فه‌ق نيوز/ وه‌ختى ك ناو "مۆز به‌هه‌يشت" ژنه‌فێد خه‌ياڵ ئه‌وه نه‌كه‌ێد ميوه‌ى زه‌رديگ دوينێد و توكيه‌و ئه‌گرێد و يه‌كسه‌ر ئه‌خوه‌ێده‌ى، به‌ڵكوو ئه‌يه ميوه‌يگه ئستوائى يا نه‌باتيگ گژوگيايى ك وه‌ى تازه له نيشتمان عه‌ره‌بييش بڵاو بوى وه‌تايبه‌ت له مسر و ئه‌را چه‌ن خوه‌راكيگ وه‌كار ئه‌يه‌ێد و له‌بڕيگ ده‌وڵه‌ته‌يليش جوور خوه‌راك سه‌ره‌كيه‌و چه‌ن نه‌خوه‌شييگ له له‌ش ئاده‌ميزاد دويره‌و خه‌ێد.
مۆز به‌هه‌يشت جووريگه ئه‌ڵڵاجه‌وى له جووره‌يل مۆز، ك وه‌پى وتريه‌ێد به‌تاته‌ى كاريبى و شيوه‌يشى وه‌ك مۆز زه‌رده، وه‌لێ به‌ر مۆز به‌هه‌يشت له به‌ر مۆز ئاسايى دريژتره و توكڵيشى قايمتره و خاڵخاڵيگ موور ديرێد و تامه‌گه‌يشى شرين نيه‌و شيوه‌گه‌يشى ئاڵشت بوود ئه‌را ره‌نگ قه‌هوايى ته‌ڵايى له‌وه‌ختيگ ك وه‌ته‌مامى ره‌سێد و له هه‌مان وه‌خت جوور سه‌وزى تيه‌رنه‌ى كار وه چه‌واشه‌ى مۆز ئاسايى.
جى باسه، دار ئى مۆز به‌هه‌يشته له ناوچه‌يل گه‌رمايى كاڵيه‌ێد و جوور خوه‌راك سه‌ره‌كيه له چه‌ن ده‌وڵه‌تيگ وه‌تايبه‌ت له ئه‌فريقياو وڵاته‌يل ناوچه‌ى ده‌رياى كاريبى و له‌گشت وه‌رزيگيش وجوود ديرێد.
