نێچیروان بارزانی وەگەرد بالیۆز یەکیەتی ئەوروپا گفتوگو لەبان بەهێزکردن هاوبەشی و هاوکاری وەرد کوردستان کەێد
شەفەق نیوز ـ هەولێر
سەرۆک هەرێم کوردستان، نێچیروان بارزانی، ئمڕوو یەکشەممە، وەگەرد بالیۆز یەکیەتی ئەوروپا لە عراق کلیمنس سیمتنەر، وە ئامادەبوین سەرۆک نوو نویسینگەی یەکیەتی ئەوروپا لە هەولێر شتیفان فینت، گفتوگو لەبان بەهێزکردن هاوکاری لەناوەین یەکیەتی ئەوروپا و هەرێم کوردستان کریا.
بارزانی، لە ری بەیاننامەیگ رەسیە ئاژانس شەفەق نیوز، دەسخوەشی و رێز خوەی ئەرا ئەو رۆڵە نیشاندا کە یەکیەتی ئەوروپا گرێدێ و ئەو پشتگیری وەردەوامەی کە ئەرا عراق و هەرێم کوردستان پێشکەش کەێد، هەمیش پیرۆزبایی لە شتیفان فینت کرد وەمدو دەسوەکاربوین لە ئەرکە نووەگەی.
لە لایگتر، بالیۆز یەکیەتی ئەوروپا پشتڕاسی کرد یەکیەتیەگە پابەندە وە وەردەوامبوین لە پشتگیری عراق و هەرێم کوردستان، و ئەزرەت خوەی نیشاندا ئەرا بەهێزکردن پەیوەندی دوولایەنەیل و بەرزکردن ئاست و فراوانکردن چوارچمگ هاوکاری لە مژارە جیاوازەیل.
هەردووگ لایەن لە وەخت گردەوبوینەگە، بارودۆخ ناوخوەی عراق و هەرێم کوردستانیان تاوتوێ کردن، وەگەرد نوویترین ئاڵشتکاری و ئەوزەڵکردنەیل لەبان ئاست هەرێمی.
