مارک زوکەربێرگ لە رخ جەنگ جەهانی سێیەم شوینیگ لە ژیر زەریا دروس کەێد
یەیش وەرد زیایبوین قسەکردن لەی رووژەیلە لەباوت ئەگەر قومیان جەنگ جەهانی سێیەم، وە لەوەرچاوگردن فرەیی جەنگ لە جەهان.
وەگورەی قسەی لەلایەن دەزگایل راگەیانن ئەمریکی لەناویان رووژنامەی نیویۆرک پۆست و وایرێد (کە بڕسک وینەی ناو ماڵە قەڵاداریگەیەو دابینکردیە)، قەڵاگە کەفێدە ناوڕاس زەریاگە لە دوورگەی هاوای، و نزیکترین زەوی گەورە وە 4000 کیلۆمەتر لەلی دویرە، ئەرا دڵنیابوین لەوە کە ماڵە قەڵادارەگە کاریگەری هەر تەقینەوەیگ ئەتۆمی لەبانی نەوود.
تەنانەت دەروازەی سەرەکی ماڵە قەڵادارەگە کە وەپی ئویشن کوولاو ڕانچ، لە ئەگەر رویدن جەنگیگ جەهانی گەورە، دژوە تەقینەوەس.
وەگورەی رووژنامەی نیویۆرک پۆست؛ ماڵە قەڵادارەگە زیاتر لە ١٠ بینا هاناوی کە دوو کۆشک ناوەندی هاناوی کە وە تونێلیگ وەیەکەو بەسیەنەو کە چوودە پەناگەیگ ژیرزەمینیی کە رووبەری ٥ هەزار پای چوارگووشەس، وەگەرد پاچینەیگ ئەرا وایین.
قەڵاگە لەلای کەمەو ٣٠ ژوور خەفتن و ٣٠ حەمام هاناوی، و خاڵەیل میوانخانە و بڕیگ ماڵ دارسانی "شیوەی دیسک"، کە وە پیەڵ پەت وەیەکەو بەسیانە، وەگورەی ئەو پلانەیلە کە لەلایەن جیوەجیکەر داناسەی.
ئەو باخ قەڵادارە ئاوەیگ دیرێد کە پشت وەپی بوەسێد، و ئاژەڵ و شوین کاڵین ئەرا بەرهەم خوەراک. زوکەربێرگ بڕیگ کراکار ئەرا دەسمیەتیداین لە خاسەوکردن و درەو و شوانی وەرد خوەی بەێد.
شایەت قەڵاگە بتوەنێد تا دەیان ساڵ خواردن و نووشین دابین بکەێد، تا ئەوانەگ هانە ناوی بتوەنن بژیەن. ئەگەر جەنگ کۆتایی هات یا مەترسی کۆتایی هات، توەنن بچنە دەیشت و دەسبکەنە ژیانیگ نوو لەبان زەوی
قسەکەر زوکەربێرگ ملیاردێر ئەمریکی وت: ئەرا سەنین ئەو زەوییە ١٧٠ ملیۆن دۆلار خەرج کردیە، ئەرا دروسکردن حەشارگە قەڵادارەگەی، کە خوەی و ژن و مناڵی وەپی ئویشن ماڵ خیزانەگەیان.
