سی و دو ساڵ خوازمەنی کردن
2021-04-08T05:30:06+00:00
شەفەق نیوز- ژن و پیاگێگ کێودەشتی، دوماێ سی و دو ساڵ، ئاخرێ وەرد یەکتری ژناشووی کردن.
کیوومەرس ئوو تووران تەیمووری، دو میمیزاێ کێودەشتی بینە ک لە سی و دو ساڵ پێشەو ک پیاگە هێژدەساڵان بییە هە یەکتری خواستنە و بنەماڵەێ دۆتەگە ناڕزا بینە و نەهیشتنە ک ئی دو ئەویندارە وە یەکترەکی بڕەسن.
هە لەو وەختە تا ئێسە ئی خوازمەنی‌کەرانە هە دریژە داشتگە ئوو هڤدە ساڵ وەر ژە یە، باوان دۆتەگە وە خاتر خوازمەنی کردن بان ئەڵ بان، شکایەت لە پیاگە کردنە و خستنەسەێ وە زندان، هەرچەن ک دوماێ دەرهاتن لە زندانیش ئی دوانە دەس‌ئەڵگر لە یەک نەبینە.
ئمساڵ، ئاخرێ وە راوفە ناین دوسەد خوازمەنی‌کەر لە ئاواییەگە، ماڵ باوگ دۆتەگە دڵاهاوردن ئوو دانەێ وەێ و سوورێیان کریا.
نیەرینجگە و ملجەڕی پیاگە ئوو شوو نەکردن و جواو کردن چەنی چەن خوازمەنی‌کەر وە دەس ژنەگە، ئوو بردن ئی هەمگە ئایمە دەو کوێخایی‌کەرانە دوماێ ئیەو هەمگە ساڵە، دە دنیا بێ‌وێنەسە.
