زانایه‌یل چینی گه‌شه وه ده‌رمانێگ ده‌ن پیری دویره‌و خه‌ێد
شەفەق نیوز/ زانایلیگ لە پەکین پایتەخت وڵات چین گەشە وە دەرمان نوویگ کردن توێنێد بەشیگ لە کاریگەریەیل پیری لەلای مووشەگان پویچەڵ بکەێد و تەمەنیان دریژەو بکەێد، ک بوینە ئەنجامەیلیگ ک شایەت رووژیگ باێد ئیجوور دەرمانیگ ئەرا ئایەم پەیا بوود.
پڕۆفیسۆر چۆ چینگ خانمە سەرپەرشتیار وبەشدار لەبان پڕۆژەگە ک پسپۆڕە لە پزشکی پیری و پزشکی نووەوکردن، لە پەیمانگای زانست ئاژەڵ لە ئەکادیمیای زانستی چین وت: دەرمانە دیاریکریایەگە ک وەکاری هاوردن و ئەنجامەگان، خوەیان یەکەم لە ئاست جهان بوین.
وتیش: مووشەگان دویای ماوەی شەش تا هەیشت مانگ شیوەیان و هێزیان خاسەو بوود، و تەمەنیان ئەرا ٢٥٪ فرەترەو بوود.
تیم زانایل زیندەوەری لە ئەکادیمیای چینی، شیوەیگ ئەرا تاقیکردنەوەی هەزاران کۆرپەڵەگان وەکار هاوردن وەمینەی کارە تایبەتەگان وە پیری خانەیی، تا کارە وەرپرسەگە لەناو ١٠ هەزار شیوەی جیواز دیاری کریا ک خوەی فرەتر هووکارە لە پیری لە شانەگان.
وتیش؛ وەلی هیمان کارەگە دویرە لە ئامادەبوین لە تاقیکردن مرۆیی، و وتیش: ئومید خوازیمن ک بتوێتیمن رییگ ئەرا دیرخستن پیری ئەگەر وەشیوەی کەمیگیش لە ئایندە پەیا بکەیمن.
